صباح/مساء
الورد والجووري والبنفسج.."
"
اخباركم عاملين ايه
<<انقلبت اللهجه 
ان شاء الله كولكووم كويسين <<اليووم اللهجات عندي ظاربه
"
بما اني حطيت موااضيع تقريباً في كل الاقسام
الا هالقسم <<مقطع قلبي احسه مسكوون من الفضاوهـ..
وقلت يصير اول موضووع لي
"
الموضووع عن مغامرااتي في السكوول
وطبعاً كل يووم نفس الي قبله وهو بحدهـ احدااث
"
العنوان
"يوم في السكوول"
..وانا دااخله الصبح طبعاً ما نمت الا الساعه ثلاث لاني كن متابعه فيلم
وما قمت الا الساعه 7 الا ربع
ولا احد في الاسره فكر انه يقومني ولا كاني فرد منها <<وش دخل اووم السالفه
المهم وافز اللبس في رقم قياسي واسحب عبايتي وامشي
واوصل المدرسه الساعه 7 ودقيقه
طبعاً عندنا وحده تووحفه تلبس تنووره مقطعه لاعنه ابو الي جابها تزحف في الارض
وبلايز خايسه تقل جلابيه وكل يوم تحط جوالها في شنطه صغيره كل يوم لها شكل ولون
وقاعده تكتب الاسماء المهم وانا قاعده اففصخ عبايتي هي قاعده تصرخ علي
عشان الدقيقه <<سبحان الله
وتكتب اسمي وتعطيني ورقتي واتيسر على فصلي طبعاً وانا رايحه لابسه
طووق واساور وحووسه ولما دخلت الفصل وانا ماعلي شي
اتشلحت في الطريق وانا جايه
"الحصه الاولى"
عندنا مدرسه التوحيد والقران ام الفلله نسميا تهيأت
وانتي قاعده تطالعين فيها تقولك انتي تعلكين يعني قسم بالله مو صاحيه رهيبه
ربع الحصه شرح وربعها تشرب موويه وربعها تفتش في الكتاب وربعها تهاوشنا على الحصه الي
هبلنا فيها فيها قبل ثلاث اسابيع وتقولنا..انا قوويه انا منيب سهله انا ماني من المدرسات الي طيبات
ا
انا شريره انا اسالتي صعبه وحنا متنحين فيها
وترن وتجي تطلع من عندنا وتشيل لوحتها وتقضب الباب
"الحصه الثانيه"
عندنا مدرسة التاريخ عليها اسم بس مارااح اقووله
طويله وضخمه ومرعبه واي حركه في حصتها تهزاك وتقولك(تستهبلي اينتي ترى انا في حصتي ما فيه حاجه اسمها استهبال فاهمه انتي وهي)
وطوول الوقت على هالحاله حتى رنت الحصه وطست رووحه بلا ردهـ..
"الحصه الثالثه"
مدرسة التفسير هذي لا جت حصتها نص الفصل يهج والنص الثاني ينام
عليها شرح ولا شرح مبزره لو تعطيني مصطرتها وقلمها ولوحتها اشرح احسن منها
وعليها قراايه استغفر الله ما رااح اعلق
وترن الحصه وحنا مومصدقين انفسنا جرس الفسحه وعلى طوول قبل لا تطلع
ينطلقوون البناات للساحه بفرحه تغمرهم وواضحه على اعينهم
ربع ساعه بالتمام ويرن الجرس
"الحصه الرابعه"
حصة الجغرافيا ونسم المعلمه الحبشه <<الاسم ما جا عن عبث
هذي انا امقتها اكرهها في الله لله
وحصتها كلها تكشير وصمت وبهذله وتوقيف وترن وتجي الحصه الي بعدها
"الحصه الخامسه"
حصة الرياضيات الي تدرسنا اياها صغيره توها متخرجه
بس اعووذ بالله تقل انها صار لها عشرين سنه في التدريس تلتفتين على صديقتك
تقولين لها باخفض درجة صووت عندك قدمي تلتفت عليك وتفز فجأه
وعليها حركاات والتفاتات سريعه لو علي اوظفها في الاستخباراات وشوويه
"الحصه السادسه"
هذي حصة الانجليزي طبعاً الي تدرسنا نص جنوبي نص سووري <<ياثقل دمها بس
قبل اسبووع جتنا مدرسه توها متخرجه وما عندها سالفه
ويك اب جيرل... <<ماعندها غير هالجمله
واليووم حنا طبعاً مستانسين لان القديمه طست وافتكينا لانها من يوومي بسادس ابتدائي
وهي الي تدرسني ينقلونها على حظ دفعتنا
وفجأه بنص الدرس تدخل وتجي تقعد في اخر الفصل وتحط رجل على رجل
وحنا متنحين
وحضرت الحصه كلها معانا ويووم جت تطلع سكرت الباب وترجع تفتحه
تقوول(لا تخافو رااجعه رااجعه ترى عندي لكم عشرين درجه والاستاذه.......ثلاثين درجه وكلها بايدي
الترم الثاني اوكي ما تخافو لازقه لا_ه) <<يعجبووني الي عارفين انفسهم
"الحصه السابعه"
معلمة الحديث هذي عجيبه غريبه طبعاً اول ما دخلت حنا في اخر الفصل
وهي عند الباب وصديقتي كانت مطلعه حووسه لتفصيل مدري للفنيه التفت عليها
وقلت لها دخليه فلانه الفلان جت
وفاجأه اسمع صووت(ايه استاذه فلانه الفلان ايه ولك الشرف اني ادخل عليك)
والتفت لقداام واشوف البنات ولك الشرف متنحين فيني
وتطيني تهزئ عالموضووع ومحاضرـره كبر ايش
واخذت قش صديقتي ورمته في الزباله بس البنت ما سمعت المحاضره لانه اغمى عليها
من الصدمه
<<صار لها اسبوعين تشتغل فيه عااد ادري انها بتذلني عليها
يعني بناات دايماً اذا دخلت عليكم مدرسه وصديقتك باسطه قشها
وخصوصاً اذا كنتي تحبين هالمدرسه قولي لصديقتك الاستاذه فلانه قدمت..)
(انا السؤال الوحيد الي راافع ظغطي شلوون سمعت) <<ماشا الله عليها
تنفع مع الرياضيات مخابرات او يمكن رئيسه عليها
هههههههههههههههههههه
وبس هذي معاناتي اليوميه في هالكابووس
الي انرمي فيه ست ساعات
"
يالله عااد ابي يومياتكم
انا حطيت الموضووع عشان اشووف تفاعلكم معااي
"
